我有join依間做脱毛,咁平時都知依間嘢hard sell啦。

上星期做脱面毛期間,美容師話我甩皮有乾紋泛紅,佢公司有NMN美容療程,原價2280,依加試做價980。又話依加NMN大熱,好多客做完都讚好,仲話效果可以keep到2-3星期等等。

咁就試下啦,以為陣間比980就完事啦。結果做咗完個facial+脱毛就叫咗我入房黎sell我????

話公司8週年,可以將之前買嘅plan取消將啲錢轉移做積分,叫我買20次NMN療程,可以用積分扣小部分,好抵㗎。我say no啦,但sales都冇放過我????。keep 住講:咁買20次啦,我阿頭話可以用積分扣多啲錢比你,你比15000就可以啦。
我都企硬拒絕咗,我就比咗1000找今次嘅試用。係等出單期間,又入房黎sell話:我哋set嘢係獨立包裝,來貨都貴㗎。見你係熟客仔,買10次啦,再扣2000現金卷比你,你比$7800啦。

佢哋已經sell咗我40mins,而且我又趕時間想走,最後我都喺買咗10次????。

由於佢哋有比過NMN set嘢我望過,咁我第二日上網查下啦。結果查到set嘢先339一盒,可以用6次療程。佢哋sell我980一次,完全係欺騙啦!????

我建議用脱毛好啦,唔好join佢哋啲facial。食水好深

Categories: 黑店