Creative Music HK 活學創意音樂中心 (黑店)
http://composer.hk/teach/creativemusichk_course.php
本身學左Classical鋼琴一段時間, 同嘛學左8級樂理, 但係唔識諗Pop piano嘅伴奏, 所以報左Ricky個伴奏課程。一開始whatsapp時佢話無論學到幾高級, 都要由初級1 開始, 每堂大概$500幾蚊, 一下要比7堂錢, 我以為有一啲新野要學返, 同嘛佢講個速度可以調節, 咁都無太大問題。
到第二堂佢全堂都係講點樣踩Pedal, 我就主動同佢溝通本身都有d底, 可唔可以調節個教學速度, 我識得照譜彈, 但係唔識得諗太多即興音樂。佢個反應就好大, 話唔得, 「唔鍾意就唔好學囉…」堅持每樣野都要按佢本身定好嘅notes去教, 唔理個學生本身個需要或者識唔識。(佢果堂仲要搞自己啲野遲左15分鐘開始上堂, 跟住係咁望電話, 搭正落堂…..係之後同佢講返佢先跟返足….)
我覺得好無奈, 無諗過佢令到音樂 (特別係即興音樂) 變到得一種方式去彈(例如一定要用佢嘅指法, 一定要果幾粒音, 一定係果個數目嘅音, 唔同都係錯) 連續幾堂覺得無特別學過啲咩, 反而有一啲chord嘅問題唔明想下佢 (A#/C 呢啲chord點樣彈個左手), 佢竟然話「我唔會答你」, 我話「老師唔係一定要答學生嫁咩?」, 佢都係堅持左好耐話「咁你而家仲彈唔彈呀?」「邊個話一定要答問題嫁?」「你問嘅問題係屬於初級2嘅問題, 你而家比緊嘅係初級1嘅錢, 咁你係咪比多D錢先?」
我要突登打出來係因為我本身好鍾意音樂, 但係我無諗過有人收呢個唔平嘅價錢, 唔單止無教過太多有用嘅野, 仲要唔會好想回應學生嘅問題, 同我本身想去學嘅目的完全唔同….無諗過會有人咁樣覺即興Pop music….佢有幾有心教人/令人鍾意音樂, 睇上面嘅事例就知…
我希望唔會再有其他學生受害, 浪費錢浪費時間, 仲要比錢買難受…..
