Build in pro 送貨送錯時間，買咗啊送貨，查詢冇人覆

訂咗電器講好咗幾時送，但佢哋就提早送來。一個sale 話係10日內有問題包換貨，一個就話七日工作天。大家講嘅時間都唔同。結果佢提早送過嚟，搞到入伙嗰陣已經過晒換貨期，佢哋只係話你要搵返供應商跟進。
另外，買咗佢哋嘅浴室用品，結果冇送貨，搵人又唔應，要狂追佢哋先覆，但所有嘢都賴喺供應商度話冇人覆，但佢哋就可以覆到你話供應商話佢哋只會提供送貨，趕時間都唔可以去佢哋度攞貨。結果要走落佢哋門市同佢哋講要求退款。但退款對個客來講冇咩用，因為都要再花時間去其他地方買。
買咗雪櫃已經有人上咗嚟度位，但佢哋一直都冇覆返送貨日期，追問佢哋佢哋就唔覆。結果都係要落門市問，門市就話聽日覆唔想我哋退款，但我哋直接同佢哋講話冇信心要求退款。
依家都未退款成功，都唔知佢退款過程會唔會一直咁拖。
之後寧願比多少少錢喺其他地方買，見佢賣得平過其他人先試吓幫襯佢哋。但是試過之後完全唔推介！