我聽講built-in pro由有心人建立（fact check唔到），便想支持一下，就喺佢地網站上order左兩件東西，老實講有啲後悔。喺度我分享我今次經驗俾大家參考，唔係想唱衰佢，大家看完覺得沒問題當然不妨幫襯。其實今次喺我第二次幫襯佢，第一次幫襯時沒有大問題的。所以我都希望我係全世界唯一一個中招。
過程如下：
1. 10月初落order 買左兩東西，落order時佢畀我㨂大概一星期後取貨。佢網站上寫都明收錢後兩三天左右送貨，但都明白中小型公司，又啱啱派消費卷，覺得等一星期都沒關係，就畀咗錢。
然後第一件貨等左兩個星期。咁我問佢地廣東道店員，仲有一件貨要等多幾耐，佢話佢都唔知，佢只係sales，叫我問whatsapp。好啦問whatsapp，冇人覆，我就facebook 問，佢答「幫我睇睇」，然後就消失左，之後再問，都冇覆。
2. 之後whatsapp問佢，覆啦！佢話一個星期左右，但等左又一星期後都冇，問佢又係唔覆。
佢網站上面寫佢地有30個職員回覆客人查詢，通常會10分鐘內，之類。事實唔係咁。
3. 然後又等左好多日，就係冇人理我。咁情況，就我就最後通碟，話再唔覆就報警（唔通自己去搶返自己啲錢咩，真係慘），然後佢好快就覆我話已經到貨，即日可取！
4. 佢好簡單咁解釋話，因為代理冇回覆佢地，所以佢地就冇回覆我⋯⋯佢咁覆我真係好嬲，好似唔關佢地事咁。 咁取貨時我就質問店員，免得我誤會左佢地，佢就話佢只係sales，幫唔到我，之類，意思叫我去問whatsapp啦⋯⋯
5. 比較合理的解釋，我覺得一係佢地一早有貨，不過客人是可以等的，等幾個星期又有咩所謂？一係呢，就根本冇諗過出貨，錢都收咗，可能再隔一排佢都唔係記得啦，係咪。否則我解釋唔到點解佢地一直唔覆我，貨又咁啱最後通碟先到，其實係我通碟後四個鐘就到。不過戴返頭盔，呢個係我的猜測，可能實情係我時運好低，世界上邊有咁多黑店，你話係咪。
6. 隔日我在他們網站下單的帳號沒法登入了，給他們網站上留的負評也不見了（所以得返好評？）。
我唔知佢地點做生意，我淨係知道俾佢地玩左一個月。給我的教訓是，除非可以無限等又可以受下氣，不然網購都係幫襯有信譽既店啦。
